Конференсияи ҷумҳуриявӣ бахшида ба 30-солагии таъсисёбии фаъолияти мақомоти ҳифзи муҳити зисти Ҷумҳурии Тоҷикистон

Бахшида ба 30-солагии таъсисёбии фаъолияти мақомоти ҳифзи муҳити зисти Ҷумҳурии Тоҷикистон 28 ноябри соли равон дар мењмонхонаи «Hilton»  конференсияи ҷумҳуриявӣ зери мавзӯи «Ҳифзи муҳити зист ҳифзи Ватан аст» баргузор гардид.

Дар чорабинӣ кормандону мутахассисони Дастгоҳи марказии Кумита, марказҳои зертобеи он,  муассисаҳои илмӣ, Агентии обуҳавошиносӣ, раёсатҳои вилоятҳо, шаҳри Душанбе, собиқадорони соҳа ва меҳмонон иштирок доштанд.

Бо сухани муқаддимавӣ Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Хайрулло Ибодзода меҳмонону иштирокдорони дигари  чорабиниро хайрамақдам гуфта, суханро ба муовини Сардори Раёсати кишоварзӣ ва ҳифзи муҳити зисти Дастгоҳи иҷроияи Президенти Ҷумҳурии Тоҷикистон Алимардон Азимов дод.

Мавсуф матни табрикоти муовини Сарвазири Ҷумҳурии Тоҷикистон Маҳмадтоир Зокирзодаро ба ҳозирин қироат намуд.

Раиси Кумита Х.Ибодзода ба тавари мухтасар дар бораи таърихи дастовардҳои ҳифзи муҳити зист, татбиқи  сиёсати давлатии экологии  Ҳукумати Ҷумҳурии Тоҷикистон, зери Роҳбарии Асосгузори сулҳу ваҳдати миллӣ-Пешвои миллат Президенти Ҷумҳурии Тоҷикистон муҳтарам Эмомалӣ Раҳмон дар даврони Истиқлолият ва дигар паҳлӯҳои фаъолияти кунунии Кумита маъруза намуд.

Сипас, муовини сардори Раёсати кишоварзӣ ва ҳифзи муҳити зисти Дастгоҳи иҷроияи Президенти Ҷумҳурии Тоҷикистон Алимардон Азимов матни табрикоти муовини Сарвазири Ҷумҳурии Тоҷикистон Маҳмадтоир Зокирзодаро ба ҳозирин қироат намуд.

Ҳамчунин, дар чорабинӣ муовини Вазири кишоварзии Ҷумҳурии Тоҷикистон Зеваршо Зеваршоев,  намояндаи Иттифоқи касабаи ҷумҳурӣ, муовини Раиси шаҳри Душанбе Толиб Раҳимзода иштирок ва суханронӣ намуданд. Раиси Кумитаи иҷроияи Ҳизби Халқи Демократи Тоҷикистон дар ноҳияи Сино Заррина Файзуллозода суханронӣ намуда, фаъолияти ташкилоти ибтидоии ҳизбии «Ҳифзи муҳити зист»-ро пурсамар арзёбӣ намуда, ба Раиси ташкилоти мазкур  Х. Ибодзода Сипосномаи Кумитаро супорид. Ҳамчунин 6 нафар аъзоёни ташкилоти ибтидоии «Ҳифзи муҳити зист» бо ифтихорномаҳои Кумитаи иҷроияи ҲХДТ сарфароз гардиданд.

Дар ҷараёни баргузории чорабинӣ сардори Раёсати мониторинг ва сиёсати экологии Кумита Абдусалим Ҷӯраев оид ба 30 соли фаъолияти мақомоти ҳифзи муҳити зист ба иштирокдорон маълумоти густурдаро ба шакли рӯйнамо (презентатсия) пешниҳод  кард. Қайд карда шуд, ки роҳбарону мутахассисони мақомоти ҳифзи муҳити зист дар давраҳои фаъолияти соҳаи мавриди назар хизматҳои шоистаи таҳсин намуда, масъалаҳои ҳалталаби марбутаро зина ба зина ба талаботи қонунгузории Ҷумҳурии Тоҷикистон  мувофиқ гардонданд.

Сардори Раёсати ҳифзи муҳити зисти вилояти Суғд Т. Нуъмонзода матни табрикотии Раиси вилояти Суғд Раҷаббой Аҳмадзодаро қироат намуд. Ҳамзамон собиқодорони соҳа, Айхон Шарифова, собиқ муовини Раиси Кумитаи ҳифзи муҳити зист, Алихон Латифӣ, сардори Ассотсиатсияи шикорчиёни ҷумҳурӣ, Ҳомидҷон Расулзода, директории Агентии обуҳавошиносӣ ва Тимур Назаров  сардори  Маркази ҷумҳуриявии          илмӣ-истеҳсолии «Табиат» зимни суханони шодбошӣ хотираҳои дирӯзу имрӯзи фаъолияти мақомотро ёдоварӣ карданд.

Дар чорабинии 30-солагии таъсисёбии мақомоти ҳифзи муҳити зист як қатор фаъолону собиқадорони соҳаи ҳифзи муҳити зист ба нишонҳои сарисинагӣ ва ифтихорномаҳои Кумитаи ҳифзи муҳити зисти назди Ҳукумати Ҷумҳурии Тоҷикистон қадрдонӣ карда шуданд.