22 март — Рӯзи умумиҷаҳонии об

Раёсати ҳифзи муҳити зисти вилояти Хатлон бахшида ба Рӯзи умумиҷаҳонии об 22  март ва  бо мақсади сазовор пешвоз гирифтани ҷашни 28-солагии Истиқлолияти давлатии Ҷумҳурии Тоҷикистон, корбариро дар самти ба таври доимӣ тозаю озода нигоҳ доштани соҳили дарёҳо, каналу ҷуйборҳо бо ҷалби бештари шаҳрвандон ва кормандони ташкилоту муасисаҳо дар беҳтар намудани вазъи санитарию экологӣ ва беҳдошти муҳити зист, тақвият бахшидан ба корҳои созандагию ободонӣ, баланд бардоштани сатҳи маърифати экологии аҳолӣ, инчунин амалигардонии нақшаи чорабиниҳо бахшида ба Даҳсолаи байналмилалии амал «Об барои рушди устувор, солҳои 2018-2028» ва «Соли рушди деҳот, сайёҳӣ ва ҳунарҳои мардумӣ» дар ҳамоҳангӣ бо мақомоти иҷроияи ҳокимияти давлатии вилоят ташкил ва гузаронидани аксияҳои «Тозагии соҳил-2019»  ба роҳ мондааст.

Дар ин давра бо мақсади тоза нигоҳ доштани манбаъҳои обӣ ва соҳили каналу ҷӯйборҳо аз ифлосшавӣ дар ҳудуди ҷамоати шаҳраку деҳоти шаҳрҳои Бохтар, Левакант, Норак,  ноҳияҳои Кушониён, Ҷ. Балхӣ, Вахш ва Ҷайҳун рӯзҳои шанбе  дар соҳили дарёи Вахш, наҳрҳои Кофирқалъа, Хоним, Гирди шаҳр, Шохоби ҷанубӣ, Шохоби  шимолӣ ва ҷӯйбору иншоотҳои обрасонӣ бо ҷалби беш аз 1800  нафар аҳолӣ ба дарозии 5400м соҳилҳо ба миқдори 360 м3 партовҳо тоза гардида, ба партовгоҳ бурда шуданд. Тавассути шабакаҳои телевизионҳои «Ҷаҳоннамо» ва «Хатлон» чорабинии мазкур пахшу намоиш дода шуд.

Дар доираи иҷроиши бандҳои нақшаи чорабинии Даҳсолаи байналмилалии амал «Об барои рушди устувор, 2018-2028» дар муассисаҳои таҳсилоти миёнаи умумии шаҳру ноҳияҳои болозикр 12 конференсияҳои илмӣ-амалӣ ва семинарҳои таљрибавї бахшида ба Рӯзи умумиҷаҳонии об  дар мавзӯъҳои «Об омили рушди устувор», «Об манбаи ҳаёт», «Ҳастиро сарчашма об аст», «Нигоҳ доштани манбаъҳои обӣ аз ифлосшавӣ» ва дигар масъалаҳои марбут ба ҳифз ва истифодаи самараноку оқилонаи захираҳои обӣ гузаронида шуданд. Аз тарафи мутахассисони соҳа дар вақти гузаронидани чорабиниҳои экологӣ  бо истиқоматкунандагон суҳбатҳои муфид ташкил гардида, корҳои фаҳмондадиҳи  дар самти беҳдошти муҳити зист гузаронида шуд.

Чунин чорабиниҳои таблиғотию маърифатии экологӣ бо табақаҳои дигари ҷомеа низ гузаронида мешавад.

Добавить комментарий

Ваш e-mail не будет опубликован. Обязательные поля помечены *