Дар маҷлиси назоратӣ

Имрӯз 1 апрел бо иштироки сардорони раёсату шуъбаҳо, марказҳои Дастгоҳи марказӣ, Агентии обуҳавошиносӣ, муассисаҳои илмӣ-тадқиқотии Кумита ва масъулони ҳамоҳангсозии лоиҳаҳо маҷлиси назоратии ҳафтаи назди Раиси Кумита баргузор гардид.

Маҷлисро Раиси Кумита Давлатшоҳ Гулмаҳмадзода оғоз намуда, тибқи регламенти муайянгардида сардори Раёсати мониторинг ва сиёсати экологӣ Абдусалим Ҷӯраев оид ба мониторинги фаъолияти сохторҳои тобеи Кумита дар вилоят ва шаҳру ноњия шунида шуд. 

Сипас, Раиси Кумита аз баъзе камбудиву норасоиҳои самтҳои назорати давлатии ҳифзи муҳити зист, ки аз ҷониби нозирон дар ҷойҳо сар зада, ба талаботи қонунҳои соҳавӣ мувофиқат намекунанд, изҳори нигаронӣ намуд. Таъкид карда шуд, ки баъзан парвандаҳои ҳисоби зарар барои ситонидани ҷарима дар ҳолати вуҷуд надоштани баҳсу шикоятҳо низ ба мақомоти суду прокуратура пешниҳод карда мешавад. Аз ин лиҳоз, ба Ҷураев А. супорида шуд, ки сабабҳои ҳамаи масъалаҳои ҷойдоштаро бо назардошти сустфаъолияти масъулони зерсохторҳои Кумита дар шаҳру ноҳияҳо пурра муайян намуда, барои баррасӣ дар ҷамъбасти фаъолияти семоҳаи якуми сол ба Раиси Кумита пешниҳод намояд.

Барои дар рӯзҳои Наврӯз ба таври дақиқ ва дар вақти зарурӣ  пешниҳод нагардидани вазъи  обу ҳаво ба аҳолӣ директори Агентии обуҳавошиносӣ огоҳонида шуд, ки минбаъд вазъи обуҳавошиносиро, ки барои пешбурди соҳаҳои гуногуни фаъолияти  хоҷагии мамлакат бисёр муҳим аст, саривақт дар расонаҳои хабарӣ пешниҳод намояд.

Ҳамчунин, Раиси Кумита оид ба таклифу пешниҳодҳои аз ҷониби комиссияи соҳавӣ дар бораи лоиҳаи Кодекси экологӣ додашуда, изҳори назар намуда, қайд гардид, ки таклифҳои манзургашта бори дигар таҷдиди назар карда шавад.  

Ба муовини Раиси Кумита С. Абдураҳмонзода, Раёсати корҳо  супорида шуд, ки якҷо нақшаи амалисозии корҳои ободонӣ ва кабудизоркунии гулгаштҳои  вобасташударо дар ноҳияи Фирдавсӣ, аз хиёбони Саъдии Шерозӣ то кӯчаи Мушфиқӣ муайян карда, пешниҳод намояд. Қитъаҳои замини  ба воҳидҳои  сохторӣ ва мақомоти зертобеи Кумита вобасташуда, пурра ба субот расонида шавад.

Ба масъулони супоридашуда, барои ба таъхир гузоштани баргардон намудани маводҳои  русӣ ва англисии веб-сайти Кумита ва тибқи муҳлат пешниҳод нагаштани ҳисоботи рафти иҷрои Барномаи давлатии комплексии рушди тарбия ва маърифати экологии аҳолии Ҷумҳурии Тоҷикистон дар давраи то соли 2020  ба Раиси Кумита  барои  баргузории ҷаласаи Комиссияи байниидоравӣ оид ба маърифати экологӣ сарзаниш карда шуд.

Пас аз муҳокимаи масъалаҳо, дарҷ гаштани супоришҳои додашуда ва  таклифу пешниҳодҳо оид ба ҳамаи масъалаҳои рӯзномаи маҷлис қарори дахлдор қабул карда шуд.

Добавить комментарий

Ваш e-mail не будет опубликован. Обязательные поля помечены *