Кумитаи ҳифзи муҳити зисти назди Ҳукумати Ҷумҳурии Тоҷикистон

Машварат идроку ҳушёрӣ диҳад

IMG_1621

8 августи соли 2017 дар Дастгоҳи марказии Кумитаи ҳифзи муҳити зисти назди Ҳукумати Ҷумҳурии Тоҷикистон вохӯрии кормандони Кумита бо намояндагони Агентии назорати давлатии молиявӣ ва мубориза бо коррупсияи Ҷумҳурии Тоҷикистон баргузор гардид.

Дар вохӯрӣ кормандони Дастгоҳи иҷроияи Кумита, марказҳо,  Агентии обуҳавошиносӣ, Раёсати ҳифзи муҳити зисти ш. Душанбе иштирок доштанд.

Дар оғоз Раиси Кумита Х. Ибодзода  вохӯрии имрӯзаро бо мақсади беҳбудии вазъи фаъолияти соҳавӣ дар амалӣ намудани мубориза бо коррупсия, муайян намудани вазифаҳои ҷорӣ оид ба таъмини талаботи қонунгузорӣ дар ин самт арзёбӣ намуд.

    Сипас нозири Сарраёсати пешгирии коррупсияи Агентии назорати давлатии молиявӣ ва мубориза бо коррупсияи Ҷумҳурии Тоҷикистон Фаромарз Раҳмонзода сари масъалаҳои рафти иҷрои Стратегияи муқовимат ба коррупсия, таъмини қонунгузорӣ ва бартараф намудани ҷиноят ва ҳуқуқвайронкуниҳои коррупсионӣ, дар бораи бартараф намудани сабаб ва шароитҳои ба содир намудани ҷиноят ва ҳуқуқвайронкуниҳои коррупсионӣ мусоидаткунанда суханронӣ намуд.

Солҳои охир, алоқаи доимии Кумита ва Агентӣ дар пешбурди фаъолияти корӣ дар сатҳи зарурӣ ба роҳ монда шудааст.  Масъалаи мазкур дар ҳар як ҷаласаи ҷамъбастии Мушовараи Кумита, маҷлисҳои назоратию машваратии Раиси Кумита, муовинони ӯ, сардорони мақомоти соҳавӣ мунтазам баррасӣ мегардад ва тадбирҳои зарурӣ андешида шуда истодаанд. Аз ҷониби Кумита  дар самти мубориза бо коррупсия корҳои зиёде амалӣ гаштаанд. Аз ҷумла оид ба «Стратегияи муқовимат бо коррупсия дар Ҷумҳурии Тоҷикистон барои солҳои 2013-2020» машғулиятҳои семинарии бозомӯзӣ ташкил ва гузаронида шуданд.  Тибқи тартиби ҷорӣ Нақшаи чорабиниҳои мушаххаси Кумита барои ҳар як дусола тартиб дода шуда,  комиссияи идоравии татбиқи Стратегия дар ҳайати 9 нафар, таҳти роҳбарии Раиси Кумита фаъолият дорад. Кодекси хизматчии давлатии Кумита таҳия гардида, рафти иҷрои он таҳти назорати доимии роҳбарият ва сардорони мақомоти зерсохтори Кумита мебошад.

     Талаботи роҳбарияти Кумита нисбат ба гузаронидани санҷишҳои соҳавӣ, сафарҳои кори кормандон, санҷиши қонунии аризаю шикоятҳо, мустаҳкам намудани робитаи мақомоти ҳифзи муҳити зист бо ҷомеаи шаҳрвандӣ, коллективҳои меҳнатӣ,  барпо намудани озмунҳои воқеъбинонаи қабули мутахассисон ба ҷойҳои холии мансабҳои маъмурии хизматчиёни давлатӣ, аттестатсия, ротатсия (ҷойивазкунии) кормандон таҳти назорати қатъӣ буда, чунин талабот барои пешгирии амалҳои коррупсионӣ мусоидат менамояд.