Кумитаи ҳифзи муҳити зисти назди Ҳукумати Ҷумҳурии Тоҷикистон

Аксияи “Тозагии маҳал”

2

Бо иқдоми Раёсати ҳифзи муҳити зисти вилоят тибқи иҷрои дастуру супоришҳое, ки дар Паёми навбатии Асосгузори сулҳу ваҳдати миллӣ, Пешвои миллат, Президенти мамлакат муҳтарам Эмомалӣ Раҳмон баён гардидаанд, бо мақсади беҳтар намудани ҳолати экологӣ, тозаву озода нигоҳ доштан ва беҳбудии муҳити зист 20 январи соли равон дар ш. Хуҷанд аксияи  “Тозагии маҳал”  гузаронида шуд.

Дар аксия кормандони кӯдакистони Президентӣ, литсейи политехникӣ, Маркази дилу шараён, беморхонаи ҷумҳуриявии физиотерапевтӣ, коллеҷи тиббӣ, литсейи касбӣ – техникии     № 44 ва 56, Кумитаи маҳаллаи Раззоқ, омӯзгорони мактаби “Сафина”, таваллудхонаи вилоятӣ, ташкилоти ҷамъиятии “Ҷавонон барои ҳифзи муҳити зисти атроф”, кормандони мақомоти ҳифзи муҳити зисти шаҳру ноҳияҳои Хуҷанд, Гулистон, Бустон, Бобоҷон Ғафуров, Ҷаббор Расулов, дар ҷамъ  18034 нафар иштирок доштанд.

Дар рафти аксия ба миқдори 88,5 метри мукааб партовҳо бароварда шуд.

Ҳамчунин 7,8 км ҷӯйборҳо ва 9,9 ҳазор м2 ҳудуд тоза , 800 м 2 биноҳо сафед, 10,6 км қади роҳҳо,  1,8 км соҳилҳо  аз партов ва  2,84 км заҳбуру каналҳо тоза карда шуда, 1638 бех дарахтони сояафкан ва ҳамешасабз  шинонида шуданд.