Машғулияти навбатии семинари бозомӯзӣ дар мавзӯи «Қонунгузории Ҷумҳурии Тоҷикистон дар соҳаи танзими истифодаи сарватҳои генетикӣ»

Рӯзи 15 августи соли равон дар бинои Дастгоҳи марказии Кумитаи ҳифзи муҳити зисти назди Ҳукумати Ҷумҳурии Тоҷикистон тибқи нақшаи чорабиниҳои тасиқгашта  2 машғулиятҳои навбатии бозомӯзӣ баргузор гашт, ки дар он муовини Раиси Кумита Зарина Назарзода ва дигар кормандони Раёсату шуъба ва марказҳои Дастгоҳи марказии Кумита иштирок намуданд.

Машғулияти  якум доир ба  «Қонунгузории Ҷумҳурии Тоҷикистон дар соҳаи танзими истифодаи сарватҳои генетикӣ» буда, аз ҷониби ходими калони илмии Муассисаи давлатии Маркази миллии гуногунӣ ва амнияти биологии Кумита Суҳроб Иргашев рӯйнамоӣ карда шуд.

Дар рафти бозомӯзӣ роҷеъ ба татбиқи Протоколи Нагойя
“Оид ба дастрасӣ ба  захираҳои генетикӣ ва  тақсимоти одилона ва баробари фоида аз истифодаи он”
дар Тоҷикистон, зарурат ва ҳадафи ҳамроҳшаии Ҷумҳурии Тоҷикистон ба ин Протокол, мафҳуми сарвати генетикӣ, дастрасӣ ба захираҳои ирсӣ ва оид ба  паҳлуҳои дигари мавзӯи матраҳшуда маълумот дода шуд.

Дар рафти машғулияти дуюм аз ҷониби сардори шӯъбаи банақшагирӣ, муҳосибот ва молияи Кумита Рустам Исоев тартиби ҳисоб кардани музди меҳнати кормандон, рухсатии меҳнатӣ, ҷубронпулиҳои кормандони азкоррафта, варақаҳои коршоямӣ ва ғайра фаҳмонда дода шуд.

Пас аз мушғулиятҳои бозомӯзӣ кормандони иштирокдор дар доираи мавзӯъҳои баррасишуда суолҳо пешниҳод намуда, аз ҷониби баромадкунандагон ба суолҳои худ ҷавобҳои мушаххас гирифтанд.