Баргузории ҳашару шанбегиҳо дар ноҳияи Ҷаббор Расулов

Корҳои ободониву созандагӣ, ҳашарҳои умумӣ дар миқёси шаҳру ноҳияҳои  вилоят бахшида ба сазовор ҷашн гирифтани Истиқлолияти давлатии Ҷумҳурии Тоҷикистон идома дорад. Дар ҷамоатҳои шаҳраку деҳоти ноҳияи Ҷаббор Расулов аз 27 август то 2 сентябр ҳашару шанбегиҳо ташкил ва гузаронида   шуда, дар он намояндагони муассисаҳои маорифу  тандурустӣ, корхонаву муассисаҳо, аҳолии ҷамоати шаҳраки Меҳробод ва Гулакандоз, дар ҷамъ зиёда аз 12500 нафар иштирок доштанд. Дар шанбегӣ назди корхонаву ташкилот, муассисаҳо, маҳаллаву кӯчаҳо аз алафҳои бегона ва партовҳо, дар масоҳати  14,8 км лотоку ҷуйҳо тозаю озода гардида, 84 м3 партовҳо ба партовгоҳи расмӣ бароварда шуд. 

Ҳамчунин, аз тарафи КВД “Хоҷагии манзилию коммуналӣ” дар ҷойҳои муаяйнгардидаи ҳудуди ноҳия 1440 бех гули катарантус шинонида шуда, дар масоҳати 750  м2 тухмии гулҳои ногатка ва гули беор кишт карда шуд.

Баргузории шанбегиву ҳашарҳо дар ноҳия то Иди Истиқлолияти давлатии Ҷумҳурии Тоҷикистон идома меёбад.