Кумитаи ҳифзи муҳити зисти назди Ҳукумати Ҷумҳурии Тоҷикистон

Соати сиёсӣ оид ба мӯҳтавои Паёми солонаи Асосгузори сулҳу ваҳдати миллӣ, Пешвои миллат, Президенти мамлакат муҳтарам Эмомалӣ Раҳмон

2

Дар толори маҷлисгоҳи Раёсати  ҳифзи муҳити зисти вилояти Суғд соати сиёсии кормандони мақомот бо иштироки намояндаи  Кумитаи иҷроияи ҳизби халқи демократии Тоҷикистон дар ш.Хужанд Тюраев Ҷамшед Аскарович бо мақсади омӯзиши матни Паёми Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон мӯҳтарам Эмомалӣ Раҳмон доир гардид.

Зимни вохӯрӣ намояндаи ҳизб  оид ба самтҳои асосии Паёми имсола, дар бораи дастовардҳои соли сипаришуда, ки дар сафҳаҳои таърихи Тоҷикистони соҳибистиқлол бо воқеаҳои фараҳбахш – таҷлили сазовори ҷашнҳои умумимиллӣ, бунёди иншоотҳои азим мавқеи сазоворашро ишғол намуд, сухан кард. Ҳамзамон ҷиҳати оғози ташаббуси нави Даҳсолаи байналмилалии амал «Об барои рушди устувор, 2018-2028», сиёсати берунии Тоҷикистон ва ворид шудани он ба марҳалаи нави рушд, эълон гардидани соли 2018 – Соли рушди сайёҳӣ ва ҳунарҳои мардумӣ қайд карда шуд.   

Паёми Пешвои миллат Эмомалӣ Раҳмон дар назди ҳар як шаҳрванди кишвар, ки нисбати тақдири миллат бетараф нест, масъулияти бузургеро мегузорад ва моро лозим аст, ки нисбати ғамхориҳои навбатӣ фаъолиятро хубтару беҳтар ба роҳ монда, барои рушд ва сарсабзиву ободии кишварамон саҳмгузор бошем.

   

Натиҷагирии фаъолияти Кумитаи ҳифзи муҳити зисти назди Ҳукумати Ҷумҳурии Тоҷикистон дар соли 2017

2

Дар ҷаласаи  Мушовараи Кумитаи ҳифзи муҳити зисти назди Ҳукумати Ҷумҳурии Тоҷикистон, ки 9 январи  соли ҷорӣ баргузор шуд, фаъолияти воҳидҳои сохтории Кумита ва мақомоти зерсохтори он дар соли 2017 натиҷагирӣ гардида,  вазифаҳо барои соли  2018 муайян карда шуданд.

Бо маърузаи ҳисоботӣ Раиси Кумита Х. Ибодзода баромад карда, дар баробари арзёбии муваффақиятҳои бадастомада, инчунин камбудиву норасоиҳои ҷойдошта баён гаштанд.

Дар баробари ин мушкилоте, ки  дар самти пешбурди назорати давлатӣ, иҷрои Нақшаи чорабиниҳои барномаҳои амалишаванда, назорати ҳолати партовҳо, лампаҳои симобдори аз истифода баромада, пешгирӣ намудани ҳолатҳои қонуншиканӣ дар самти ҳифзи табиат, аз қабили пешгирӣ аз буриши номатлуби дарахтон ва  дигар камбудиҳои ҷойдошта мавриди таҳлилу баррасӣ қарор дода шуданд.

Дар ҷаласа масъулини  мақомоти Кумита дар ҷойҳо  оид ба самти фаъолияти худ ва масъалаҳои ҳалталаб пешниҳоду гузоришҳо  доданд.

Раиси Кумита Х. Ибодзода оид ба ҳолати экологии  баъзе шаҳру ноҳияҳо эрод гирифта, барои бартараф намудани камбудиҳои ҷойдошта ба масъулин  дастуру супоришҳои қатъӣ дод.

Дар кори ҷаласа муовини Сардори Раёсати кишоварзӣ ва ҳифзи муҳити зисти Дастгоҳи иҷроияи Президенти Ҷумҳурии Тоҷикистон Азимзода Алимардон иштирок ва суханронӣ намуд.

Пас аз шунидани ҳисоботҳо, муҳокимаи таклифу пешниҳодҳо ва баррасии ҳамаҷонибаи масъалаҳо қарори дахлдори ҷаласаи  Мушовара қабул карда шуд.

Дар ҷаласа ҳамчунин вазифаҳо баҳри омӯзиши матни Паёми Президенти Ҷумҳурии Тоҷикистон,  Пешвои  миллат муҳтарам Эмомалӣ Раҳмон ва иҷрои дастуру супоришҳои дар он зикргашта мавриди таҳлилу баррасии иштирокдорон қарор гирифт. Дар робита ба ин масъала муовини Раиси Кумита Шарипова Ойхон он нуктаҳое, ки ба масъалаҳои обу экология, таъсиси маркази пиряхшиносӣ  марбут аст, инчунин ҳамкориҳои Кумита бо дигар сохторҳои давлатӣ дар самти беҳдошти муҳити зист маъруза намуд.

Аз ҷумла зерсохторҳои Кумита дар ҷойҳо вазифадор карда шуданд, ки матни Паёми Президенти Ҷумхурии Тоҷикистонро мавриди  омӯзиш қарор дода,  оид ба дастуру супоришҳои дар Паём зикр гардида,  нақшаи чорабиниҳо таҳия намоянд.

   

Ҳадяи нақлиёти партовкашон ба вилояти Суғд

1

Баҳри иҷрои Қарори ҷаласаи Мушовараи Кумитаи ҳифзи муҳити зисти назди Ҳукумати Ҷумҳурии Тоҷикистон аз 10.10.2017, №18 ва супоришҳои Раиси Кумита, ҳангоми сафари кориашон ба вилояти Суғд моҳи январи соли 2017,   бо мақсади фароҳам овардани шароити мусоиди зисти аҳолӣ, ҷиҳати пешбурди соҳа ва беҳбудии муҳити зист, пайваста баланд бардоштани маърифати экологии аҳолӣ  3 адад нақлиёти тамғаи “Портер” аз тарафи Раёсати ҳифзи муҳити зисти вилоят харидорӣ карда шуд.

Маросими супоридани нақлиётҳо ба Корхонаҳои давлатии фаръии “Хоҷагиҳои манзилию коммуналӣ”-и ш.Панҷакент ва н.Айнӣ барои кашонидани партов ва як адад барои насби таҷҳизоти безараргардонии лампаҳои корношоями симобдор бо иштироки Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Хайрулло Ибодзода, раиси шаҳри Панҷакент Ислом Зиёзода ва раиси ноҳияи Айнӣ  Неъматулло Раҳматуллозода  баргузор гардид.

Намояндагони КДФ “ХМК” аз ин иқдоми пешгирифтаи мақомоти ҳифзи муҳити зист изҳори сипосмандӣ намуда, ин ҳама ободкориҳоро самараи таваҷҷӯҳу ғамхориҳои Асосгузори сулҳу ваҳдати миллӣ – Пешвои миллат, Президенти кишвар муҳтарам Эмомалӣ Раҳмон ба масъалаҳои муҳити зист  арзёбӣ намуданд.

   

Кормандони Кумита Паёми солонаи Президенти Ҷумҳурии Тоҷикистон муҳтарам Эмомалӣ Раҳмонро ба Маҷлиси Олии Ҷумҳурии Тоҷикистон дастаҷамъона тамошо карданд

2

Дар Кумитаи ҳифзи муҳити зисти назди Ҳукумати Ҷумҳурии Тоҷикистон  тамошои дастаҷамъонаи Паёми солонаи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон дар толори маҷлисгоҳи Кумита аз ҷониби кормандон хуб пазироӣ гардид. Инчунин тамошои дастаҷамъонаи Паём дар мақомоти зерсохторҳои Кумита дар ҷойҳо таъмин гардид.

Дар Паёми Пешвои миллат тамоми ҷабҳаҳои ҳаёти кишвар бо асноду мисолҳои мушаххас мавриди таҳлилу баррасӣ ва натиҷабардорӣ қарор гирифтанд. Боиси зикр аст, ки дар тӯли даврони соҳибистиқлолӣ Ҷумҳурии Тоҷикистон дар арсаи байналмилалӣ ба сифати ташаббускор ва пешсафи фаъоли ҳалли масоили глобалии вобаста ба истифодаи босамари захираҳои об эътироф гардидааст. Паёми Пешвои миллат муҳтарам Эмомалӣ Раҳмон дар назди ҳар як шаҳрванди кишвар масъулияти бузургеро мегузорад ва барои дар амал татбиқ намудани он, инчунин ҷиҳати таъмини зиндагии босаодати мардуми кишвар мусоидат хоҳад намуд.

Тибқи Барномаи семинарҳои бозомӯзии Кумитаи ҳифзи муҳити зисти назди Ҳукумати Ҷумҳурии Тоҷикистон барои нимсолаи якуми соли 2018 дар Дастгоҳи марказӣ ва мақомоти зерсохтори Кумита омӯзиши матни  Паёми Роҳбари давлат дар моҳҳои январ ва феврал ба нақша гирифта шудааст.

Нақшаҳои иҷтимоӣ ва баланд  бардоштани  сатҳи некӯаҳолии мардум, ки  дар Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Маҷлиси Олии мамлакат аз 22 декабри соли соли 2016 супориш дода буданд,  корҳои назаррас амалӣ гаштанд. Яке аз пешниҳодҳое, ки Сарвари давлат дар Паёми қаблӣ карда буданд, ин эълон гардидани соли 2017 «Соли ҷавонон» буд, ки эълони пешниҳоди мазкур рӯҳияи ҷавони кишварро, ки қисми зиёди аҳолии мамлакатро ташкил мекунанд, баланд барошт. Ҷавонон сазовор буданашонро  барои таваҷҷуҳи давлату Ҳукумати Ҷумҳурӣ нишон дода, мафҳуми «Ҷавонон-пайрави Пешвои миллат»-ро  шиори ҳамешагии худ қарор доданд ва дар корҳои ободониву созандагӣ, гулгулшукуфоии Ватани азизамон саҳми арзандаи худро гузошта истодаанд. Дар доираи  Соли ҷавонон дар кишварамон чорабиниҳои гуногуни фарҳангӣ, варзишӣ, олимпиадаҳои мактабӣ,  барномаҳои консертӣ ва дигар намоишҳо доир гаштанд, ки барои тарбияи маънавии ҷавонон  мусоидат намуданд.

Сарвари давлатамон, муҳтарам Эмомалӣ Раҳмон дар Паёми имсолаашон ба Маҷлиси Олии мамлакат вазифаҳои мушаххасро пешорӯи мардуми кишвар  гузоштанд ва ҳар як шахсро зарур аст,  ки тибқи ҳидоятҳои Пешвои миллат ба сӯи фардои дурахшон иқдоми устувортар ба ҷо гузорад.

Барои боз ҳам рушд намудани ҷомеа  дар назди мо вазифаҳои муҳим истодаанд ва моро зарур аст, ки оид ба ҳар як нуқтаи  дар Паём зикргардида  андеша намуда, аҳлона  вазифаҳои худро  иҷро намоем. Мушкилоти ҷомеаро дар ҳамбастагӣ ва дар ҳамкорӣ бо мақомоти дигари давлатӣ ҳалу фасл намуда,  баҳри  амалишавии ҳадафҳои  ниҳоӣ кӯшиш  ба харҷ диҳем.

   

Баргузории ҷаласаи васеи Комиссияи байниидоравии вилоятӣ оид ба маърифати экологӣ

2

29 ноябри соли равон дар маҷлисгоҳи мақомоти иҷроияи ҳокимияти давлатии вилояти Суғд бо иштироки аъзоёни комиссияи вилоятӣ, муовинони раисони шаҳру ноҳияҳо – раисони комиссияи байниидоравии маҳаллӣ, сардорони шуъбаҳо ва мудирони бахшҳои ҳифзи муҳити зист – котибони комиссияҳои маҳаллӣ ва шахсони масъул аз Раёсати ҳифзи муҳити зист ҷаласаи васеи Комиссияи байниидоравии вилоятӣ оид ба маърифати экологӣ баргузор гардид. Дар рафти ҷаласа ду масъала — оид ба рафти иҷрои амри Раиси вилоят аз 14. 12. 2015, №228амр «Дар бораи таъсис додани Комиссияи байниидоравии вилоятӣ оид ба маърифати экологӣ», ки дар асоси қарори Раиси вилояти Суғд аз 25.05.2015, №263 «Дар бораи татбиқи Барномаи давлатии комплексии рушди тарбия ва маърифати экологии аҳолии Ҷумхурии Тоҷикистон дар давраи то соли 2020» қабул гардидааст ва вазифагузориҳо барои фаъолияти мибаъдаи комиссия баррасӣ карда шуд.
Дар рафти ҷаласа аз тарафи раиси Комиссияи байниидоравии вилоятӣ оид ба маърифати экологӣ фаъолияти комиссияҳои ҳам вилоятӣ ва ҳам маҳаллӣ таҳлил гардида, оид ба ҳарчӣ зудтар ислоҳ намудани камбудиҳои ҷойдошта дар ин самт супоришҳо дода шуд.
Барои такон бахшидани раванди иҷроиши амр ва қарори Раиси вилоят, андешидани чораҳои зарурӣ аз ҷониби Раиси Комиссияи байниидоравии вилоятӣ оид ба маърифати экологӣ вазифагузориҳои мушаххас барои иҷрои комили Барнома дарҷ карда шуд.

   

Чорабинӣ бахшида ба 25-солагии Рӯзи Парчами давлатии Ҷумҳурии Тоҷикистон

Парчам 24. 11. 17

24 ноябр дар саросари кишвари соҳибистиқлоли Ҷумҳурии Тоҷикистон ҳамчун Рузи Парчами давлатӣ таҷлил мегардад. Соли 1992 ҳамин рӯз дар Иҷлосияи 16-и таърихии Шӯрои Олии Ҷумҳурии Тоҷикистон яке аз рамзҳои асосии давлати тоҷикон Парчами давлатӣ қабул гардид. Имсол 25-солагии ин воқеаи муҳими давлатиро мардуми шарифи Тоҷикистон бо ифтихормандӣ қайд менамоянд.

Ба ин муносибат дар Кумитаи ҳифзи муҳити зисти назди Ҳукумати Ҷумҳурии Тоҷикистон чорабинии тантанавӣ баргузор гашт. Раиси Кумита Хайрулло Ибодзода кормандонро ба Рӯзи Парчами давлатии Ҷумҳурии Тоҷикистон табрику муборабод намуд. Зимнии суханронӣ Х. Ибодзода қайд кард, ки соли 2009 бо иқдоми бевоситаи Асосгузори  сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ин санаи таърихӣ Рӯзи Парчами давлатӣ  эълон шуд ва дар солҳои минбаъда он ҳамасола бо тантана ҷашн гирифта мешавад.

Дар чорабинӣ таъкид гашт, ки  Рӯзи Парчами давлатии Ҷумҳурии Тоҷикистон ин нишони хоса ба анъанаҳои неки аҷдодони гузаштаамон ва таҷассумгари мақсаду мароми  мо дар роҳи эъмори демокративу ҳуқуқбунёд аст. Ба ҷо овардани эҳтиром нисбат  ба муқаддасоти миллӣ қарзи ҳар як шаҳрванд мебошад, зеро Парчам рамзи хоси Истиқлолият, ватандорӣ, соҳибдавлатӣ ва ҳастии  миллат аст.

   

Соати сиёсӣ “Парчамат поянда бод”

IMG_7061

Бахшида ба Рӯзи Парчами давлатии Ҷумҳурии Тоҷикистон дар толори маҷлисгоҳи Раёсат бо иштироки намояндаи Кумитаи иҷроияи ҳизби халқӣ демократии Тоҷикистон дар шаҳри Хуҷанд Атаева Х.Н. ва кормандони Раёсати ҳифзи муҳити зисти вилоят соати сиёсӣ доир гардид.

  Пас аз суханони ифтитоҳӣ муовини сардори Раёсат Ӯрунов Р.Т. қайд намуд, ки дар тақвими иду ҷашнвораҳои миллии кишвари азизамон бо пешниҳоди Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Қарори Маҷлиси Олии Ҷумҳурии Тоҷикистон боз як  санаи  таърихӣ- Рӯзи Парчами давлатии Ҷумҳурии Тоҷикистон, ки санаи 24 ноябр аст бо хатти заррин сабт гашт ва ҳар сол ҳамчун ҷашни миллӣ таҷлил карда мешавад. Дар баробари Суруди миллӣ, Нишони давлатӣ ва забони модарӣ Парчами давлатӣ низ барои мардуми мо муқаддас ҳисобида мешавад. Ҳар яки мо ифтихор аз он дорем, ки зери парчами пурифтихори Тоҷикистони азиз кору зиндагӣ дорем ва ба он ватандӯстона эҳтиром зоҳир менамоем.

  Сипас намояндаи КИ ҲХДТ дар ш.Хуҷанд Атаева Ҳ.Н. сухан намуда, зикр намуд, ки Парчами миллӣ нахустнишони муқаддаси ҳар як кишвару халқ аст, он симои миллии давлатро дар сатҳи ҷаҳонӣ таҷассум мекунад. Нақши Парчам дар таърихи ҳар як давлат ба таври хоса арҷгузорӣ карда шуда, маҳз зери Парчами худ кишварҳо ба ҷаҳониён фарҳангу таърих, бурдбориҳову пешравиҳои худро муаррифӣ менамоянд. Таърих гувоҳи он аст, ки миллатҳои гуногун давлатдории худро зери Парчам ҳифз ва поягузорӣ намуда, орзуву мароми худро дар ин рамзи давлатӣ нақшгузорӣ намудаанд. Боиси ифтихору сарфарозии мост, ки Парчами миллии тоҷикон таърихи чандинҳазорсола дорад. Парчами миллӣ сари баланди мо, ифтихори мо, шарафи мост. Бигузор то абад Парчами давлатӣ парфишон бошаду ҳамаи мо зери он ба суи дастоварду муваффақиятҳои беназир баҳри тараққиёту пешрафти Ватани азизамон равона бошем.

   

Чорабинии идона ба муносибати Рӯзи Парчами давлатии Ҷумҳурии Тоҷикистон

IMG_3195

22 ноябри соли равон дар Муассисаи давлатии «Маркази минтақавии хизмати иҷтимоӣ ба нафақахӯрон ва маъюбони шаҳри Душанбе» чорабинии идона бахшида ба 25-солагии Рӯзи Парчами давлатии Ҷумҳурии Тоҷикистон баргузор гашт.
Дар доираи татбиқи сиёсати ҲукуматиҶумҳурии Тоҷикистон, хосатан ғамхоронаи пайвастаи Асосгузори сулҳу ваҳдати миллӣ-Пешвои миллат, Президенти мамлакатамон муҳтарам Эмомалӣ Раҳмон ба ятимону бемарасторон, табақаи эҳтиёҷманд, маъюбону пиронсолон аз ҳисоби маблағи мукофоти Камитаи ҳифзи муҳити зисти назди Ҳукумати Ҷумҳурии Тоҷикистон, ки барои ишғол намудани ҷои беҳтарин дар сохтмони «майдончаҳои варзишӣ» дар шаҳри Душанбе барои бошандагони МД «Маркази минтақавии хизмати ичтимоӣ ба нафақахӯрон ва маъюбони шаҳри Душанбе» таҷҳизоти зарурӣ ва ҷевонҳо, ҷои ҷомашӯӣ бо 2 адад мошинаҳои ҷомашӯӣ, роҳравҳои дохили муассиса сохта дар Рӯзи Парчами давлатӣ ба истифода дода шуд.
IMG_3178Дар Рӯзи Парчами давлатӣ дар муассисаи мазкур аз ҷониби Раёсати ҳифзи муҳити зисти шаҳри Душанбе зиёфати ҷашнӣ ташкил карда шуд. Нафақахӯрони даргоҳ аз Роҳбари давлат ва Ҳукумати Ҷумҳурии Тоҷикистон изҳори сипосу миннатдорӣ баён намуданд.
Дар чорабинӣ аз ҷониби Раиси Кумитаи ҳифзи муҳити зисти назди Ҳукумати Ҷумҳурии Тоҷикистон бошандагони Муассисаи давлатии «Маркази минтақавии хизмати иҷтимоӣ ба нафақахӯрон ва маъюбони шаҳри Душанбе» барои фаъолияти шоён дар самти ҳифзи муҳити зист, фаъолияти пайваста баҳри тозагиаву озода нигоҳ доштани ҳудуди «Хонаи меҳр»-и шаҳри Душанбе ба муносибати Рӯзи Парчами давлатӣ ба Сипосномаи Кумита сарфароз гаштанд.

   

Бинои нави Бахши ҳифзи муҳити зисти ноҳияи Нуробод ба истифода дода шуд

ифтитохи БХМЗ н. Нуробод 23. 11. 17 (сурати 2)

23 ноябр дар арафаи таҷлили 25-солагии Рӯзи Парчами давлатии Ҷумҳурии Тоҷикистон  бинои нави Бахши ҳифзи муҳити зисти ноҳияи Нуробод ба истифода дода шуд. Дар расми кушодашавии бинои мазкур муовини Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Ойхон Шарипова, Раиси  мақомоти иҷроияи ҳокимияти ноҳияи Нуробод Ҳасан Тақдир, директори Агентии обуҳавошиноси Кумитаи ҳифзи муҳити зист Ҳ. Расулзода иштирок намуданд. Дар назди бинои ҷашнӣ ҳозиринро муовини Раиси Кумита  О. Шарипова ва роҳбарияти ноҳия  бо Рӯзи Парчами давлатии Ҷумҳурии Тоҷикистон  табрик намуданд. Баромадкунандагон таманнои онро доштанд, ки  Тоҷикистони азизи мо зери Парчами миллии худ, таҳти сарварии хирадмандонаи Пешвои миллат муҳтарам Эмомалӣ Раҳмон ба қуллаҳои баланди шукуфоиву тараққиёт расида, нуфузу эҳтибори байналмилалии он боз ҳам зиёд гардад.

ифтитохи БХМЗ н. Нуробод 23. 11. 17 (сурати 1)Дар ноҳия шабакаи нави боду ҳавосанҷӣ низ ба фаъолият пардохт. Мусаллам аст, ки соҳаи ҳифзи муҳити зист ва обуҳавосанҷӣ дар фаъолияти ҳаррӯзаи корхонаю ташкилотҳо, муассисаҳо, таъмини саломатии одамон нақши муҳим дорад. Ҳукумати Ҷумҳурии Тоҷикистон, аз ҷумла Кумитаи ҳифзи муҳити зист барои рушди соҳа, ба роҳ мондани ҳамкориҳои судманд бо давлатҳои хориҷӣ, ташкилотҳои байналмилалӣ аз тамоми имкониятҳои мавҷуда истифода бурда истодаанд.

Лозим ба ёдоварист, ки тайи ду соли охир дар ҷумҳурӣ сохтмони 23 биноҳои нави замонавии мақомоти маҳаллии  ҳифзи муҳити зист ва дигар иншоотҳо сохта ва қисми зиёди онҳо ба истифода супорида шуданд.

Бинои маъмурии Бахши ҳифзи муҳити зисти ноҳияи Нуробод низ яке аз иншоотҳои сохташудаи солҳои охир буда, дорои  8 утоқҳои корӣ мебошад. Пудратчии сохтмон ҶДММ  “Дилафрӯз” буда, корҳои сохтмониро дар ин иншоот бо сифати хуб ба иҷро расонидааст.

Шароити хуби кории кормандони Бахш барои иҷрои масъулиятноки вазифаҳои хизматии онҳо мусоидати фаъол менамояд.

   

Ифтитоҳи мактаби «сабз» дар шаҳри Норак

IMG_2941

22 ноябри соли ҷорӣ муассисаи таҳсилоти миёнаи умумии №11-и ҷамоати деҳоти Чортути  шаҳри  Норак  баъд азнавсозӣ ифтитоҳ гардид.  Дар расми кушодашавии он намояндагони Кумитаи ҳифзи муҳити зисти назди Ҳукумати Ҷумҳурии Тоҷикистон, дафтари САҲА дар Ҷумҳурии Тоҷикистон, шуъбаи маорифи шаҳри Норак, хонандагону омӯзгорон, кормандони воситаҳои ахбори оммаи ҷумҳуриявию вилоятӣ иштирок намуданд.

Сохтмон ва муҷаҳҳазгардонии синфхонаҳо ба лавозимоти зарурӣ аз ҷониби Кумитаи ҳифзи муҳити зисти назди Ҳукумати Ҷумҳурии Тоҷикистон дар ҳамкорӣ бо САҲА сурат гирифт. Баҳри татбиқи Лоиҳаи нақшаи чорабиниҳо  оид ба  ҷойгиронии  гармидиҳии муфид корҳои сохтмонӣ  дар ду қитъаи  нав ва куҳнаи муассисаи таълимии номбурда амалӣ гардид. Иморати нави мактаб барои  синфҳои меҳнат деворҳои холиро ташкил мекард. Болопуши бом ва тирезаҳо шинонда шуданд. Деворҳои синфхонаҳо ба масофаи  5 см ва шифти муассисаи мазкур 8 см бо таҷҳизоти сохтмонии гармидиҳанда  таъмин карда шудааст. Шифти он бошад,  тавассути маводи сохтмонии карамзитдор барои сарфаҷӯии энергия то 10 см рупӯш карда шуд.  Ба синфхонаҳо ба иқтидори 2, 4 кВт  таҷҳизоти равшанидиҳанда гузаронида шуд.  Барои кор 2 адад комютер бо принтерҳо  таъмин карда, ҳамзамон  1 адад дари махсуси  гармидиҳанда насб карда шуд. Тамоми синфхонаҳо  бо фурӯзонакҳои каммасраф таъмин гардиданд. Аз ҷониби Кумита ба мактаб  таҷҳизоти зарурӣ, аз қабили мизу курсиҳои замонавӣ, дасгоҳҳои қолинбофӣ ва атласу адрасбофӣ, мошини аверлок, таҷҳизот барои таълими меҳнат, тахтаи электронӣ, тафдон ва компютерҳо дастрас карда шуданд.

123142Ҳамаи ин чорабиниҳо ба он хотир аст, ки нерӯи барқ барои  гарм кардан дар фаслҳои зимистон ва  сард  кардан дар  тобистон   ду маротиба камтар сарф мегардад.

«Умед дорем, ки таҷрибаи ин  мактаби «сабз»-и экологӣ чун намунаи беҳтарин  минбаъд дар мактабҳои дигари ҷумҳурӣ паҳн карда мешавад»-иброз дошт зимни суханронии худ муовини Раиси Кумита Ойхон Шарипова.

Дар чорабинӣ, байни хонандагони синфҳои болоӣ виктаринаи экологӣ сурат гирифта,  аз ҷониби муовини Раиси Кумитаи ҳифзи муҳити зисти назди  Ҳукумати Ҷумҳурии Тоҷикистон ба беҳтаринҳо  Китоби сурхи Ҷумҳурии Тоҷикстон ва туҳфаҳо тақдим карда шуд.

Омӯзгорон ва ханандагони муассисаи таълимӣ мазкур ба Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон  барои  таваҷҷуҳи доимиашон ҷиҳати донишандӯзии ҷавонону наврасон изҳори миннатдорӣ намуданд.

   

Баррасии Барномаи тарбия ва маърифати экологӣ дар ҷаласаи Комиссияи вилоятӣ

Screen Shot 2017-11-25 at 10.21.59 AM copy

Моҳи ноябри соли 2017 Комиссияи байниидоравии давлатӣ оид ба тарбия ва маърифати экологии вилояти Хатлон дар ҷаласаи худ рафти иҷроиши қарори Ҳукумати Ҷумҳурии Тоҷикистон аз 2 апрели  соли 2015, №178 «Дар бораи Барномаи давлатии комплексии рушди тарбия ва маърифати экологии аҳолии Ҷумҳурии Тоҷикистон дар давраи то соли 2020»-ро  баррасӣ намуд.

Сараввал аъзои Комиссияи вилоятӣ-муовини сардори Раёсати маорифи вилоят Лутфуллоев С. оид ба  таъмини иҷрои боби 3.3, «Маърифати экологӣ дар муассисаҳои таҳсилоти умумӣ ва иловагӣ»-и нақшаи чорабиниҳои Барномаи мазкур ҳисобот дода, қайд намуд, ки  дар ин раванд корҳои зиёде ба анҷом расонида, дар баробари ин ҷиҳати тақвият додани сатҳи донишу малакаи масъулини соҳаи маориф ва дигар ташкилоту муассисаҳои вобасташудаи Барнома баҳри амалӣ гардидани   «Барномаи давлатии комплексии рушди тарбия ва маърифати экологии аҳолии вилоят дар давраи то соли 2020» чораҳои зарурӣ андешида шавад шавад.

       Аз рӯи масъалаи баррасигардида ҳисоботи комиссияҳои байниидоравии давлатӣ оид ба  тарбия ва маърифати экологии шаҳру ноҳияҳои Норак, Сарбанд, Шаҳритуз ва Шамсиддин Шоҳин дар таъмини иҷрои қарори раиси вилояти Хатлон аз 8 майи соли 2015, №123 дар бораи Барномаи зикргардида шунида шуд.

      Дар рафти ҷаласа оид ба ҷой доштани камбудиҳо дар иҷроиши бандҳои дахлдори нақшаи чорабиниҳои вобасташудаи Барнома дар шаҳру ноҳияҳои номбурда ишора гардида, ҷиҳати рафъи онҳо дар муҳлати кутоҳтарин, супоришҳои мушаххас дода шуданд.

Сипас муовини раиси Комиссияи вилоятӣ-сардори Раёсати ҳифзи муҳити зисти вилоят доир ба татбиқи Барномаи давлатии комплексии рушди тарбия ва маърифати экологии аҳолии ҶумҳурииТоҷикистон дар давраи то соли 2020 гузориши муфассал пешниҳод намуд.

     Аз рӯи масъалаҳои баррасигардида ҷиҳати иҷрои Барнома ва рафъи камбудиҳои ҷойдошта ҷаласаи Комиссияи вилоятӣ қарорҳои дахлдор қабул намуд.

   

Конференсияи илмӣ-назариявӣ дар мавзӯи «Тоҷикистон кишвари обҳои мусаффо»

Маводи сайт 2

22 ноябри соли равон дар коллеҷи тиббии шаҳри Қӯрғонтеппа оид ба иҷрои «Барномаи давлатии комплексии рушди тарбия ва маърифати экологии аҳолии Ҷумҳурии Тоҷикистон дар давраи то соли 2020», ки бо Қарори Ҳукумати Ҷумҳурии Тоҷикистон аз 02. 04. 2015, №178, тасдиқ шудааст, конференсияи илмӣ-назариявӣ дар мавзӯи «Тоҷикистон кишвари обҳои мусаффо» баргузор гардид. Дар конференсияи мазкур мутахассисони Маркази ахбори экологии Кумитаи ҳифзи муҳити зисти назди Ҳукумати Ҷумҳурии Тоҷикистон Шукуров Абдумумин, Саидурфони Қутбиддин ва сармутахассиси Раёсати ҳифзи муҳити зисти вилояти Хатлон Тураев Раҳмоналӣ ширкат варзиданд. Дар конфронс ҷиҳати баланд бардоштани сатҳи маърифатнокӣ ва иттилоотии экологии табақаҳои гуногуни аҳолӣ аз ҷониби мутахассисони болозикр дар бораи мавзӯи интихобгардида ва захираҳои табиӣ баромадҳо шунида шуд. Ҳамзамон барои истифодабарии оқилонаи захираҳои табиӣ ва ҳифзи муҳити зист маслиҳатҳои муфид дода шуд.
Баргузор намудани чунин чорабиниҳои марбутаи экологӣ ба ҷавонони кишвар дар бораи обҳои Ҷумҳурии Тоҷикистон аз ҳар ҷиҳат манфиатовар хоҳад буд.