Кумитаи ҳифзи муҳити зисти назди Ҳукумати Ҷумҳурии Тоҷикистон

//ЗАБОН //ЯЗЫК //LANGUAGE
Home
A+ R A-

Дӯстони гиромӣ, меҳмонони сайт!

E-mail Print
Қабл аз ҳама, мехостам барои таваҷҷуҳ карданатон ба сомонаи мо изҳори ташаккур намоям. Хурсандибахш аст, ки мардуми хирадманди тоҷик дар бистусеюмин солгарди соҳибистиқлолӣ зиндагӣ ба сар мебаранд. Истиқлол ва ваҳдати миллӣ барои мардуми Тоҷикистон қуввату тавоноӣ бахшида, барои пешрафти ҳаёти сиёсӣ ва иқтисодиву фарҳангӣ фазои мусоиду озод фароҳам овард. Воқеан Истиқлол муқаддасоти арзишмандест, ки ба рӯзгори мо шукӯҳу ҷилои тоза эҳдо сохтааст.
Ҳукумати Тоҷикистон аз замони ба даст овардани истиқлолияти миллӣ бо назардошти дарки муҳимиятии масъалаҳои экологӣ якчанд қонунҳоро дар робита ба масъалаҳои афзалиятноки муҳити зист қабул намудааст. Тоҷикистон ҳамчун як ҷузъи ҷомеаи ҷаҳонӣ ба узвияти 8 Конвенсияи СММ оид ба масъалаҳои экологӣ пазируфта шудааст. Ҷумҳурии Тоҷикистон бо масъалагузорӣ ва пешниҳодоти мушаххас дар робита ба ҳалли масъалаҳои муҳити зист миёни кишварҳои ҷаҳон обрӯву нуфузи баланд касб намуд. Бахусус ташаббусҳои наҷибонаи Президенти Ҷумҳурии  Тоҷикистон, мӯҳтарам Эмомалӣ Раҳмон оид ба масъалаҳои об аз тарафи  ҷомеаи ҷаҳонӣ дастгирии ҳамаҷониба ёфт. Эълон гаштани соли 2003 ҳамчун «Соли оби тоза» ва солҳои 2005-2015 ҳамчун «Даҳсолаи амалиёти байналхалқии «Об-барои ҳаёт» аз ҷониби СММ,  Тоҷикистонро ҳамчун кишвари ташаббускор миёни дигар кишварҳои ҷаҳон муаррифӣ намуд. Бояд гуфт, ки дар доираи «Даҳсолаи амалиёти байналхалқии «Об- барои ҳаёт»» дар пойтахти кишвари азизамон – ш. Душанбе чор конфронси сатҳи байналмилалӣ доир гардидааст.
Read more...

Вохӯрии Раиси Кумита Ибодзода Хайрулло бо Директори Барномаи Рушди СММ дар Тоҷикистон Норимасо Шимомира

Рузи 12  феврали соли 2014 вохӯрии Раиси Кумитаи ҳифзи муҳити зисти назди Ҳукумати Ҷумҳурии Тоҷикистон  Ибодзода Х. бо Директори Барномаи Рушди СММ дар Тоҷикистон Норимасо Шимомира баргузор гардид.
Дар вохӯрӣ масъалаҳои ҳамкории Ҷумҳурии Тоҷикистон бо Барномаи Рушди СММ дар самти беҳдошти муҳити зист, Конвенсияҳои экологӣ,  Рушди устувор ва дигар масъалаҳои муҳими рузмарраи экологӣ баррасӣ шуданд. Тарафҳо изҳор намуданд, ки ҳамкориро баҳри беҳдошти муҳити зист дар сатҳи миллӣ, минтақавӣ ва глобалӣ бозхам вусъат бахшидан зарур аст.Вохӯрӣ дар фазои озод ва якдигарфаҳмӣ баргузор гардид. 





//ЗАБОН //ЯЗЫК //LANGUAGE